Elikadura

3.zikloko azken mailan gaudenez, gogor ekin behar diogu lanari; hori dela eta,ingurune arloan lehenengo lana egin dugu eta ikaskideen aurrean azaldu dugu. Hona hemen gela bakoitzeko talde lan bat:

GORBEIA

Kaixo guztioi:

Ikasturtea hasita dago eta pasaden ostiralean lehengo irteera burutu genuen. Gorbeiara joan ginen, Murgia ondoan dagoen museora. Hortxe pelikula bat ikusi genuen eta parketxean dauden zenbait gauzak azaldu zizkiguten. Esperientzia oso polita izan zen!

 Hona hemen atera genituen argazkiak:

2013/ 2014 IKASTURTEAREN BUKAERA

Ekainaren 20an ikasturtearen bukaera ospatu genuen eta emozio kontrajarriak bizi izan genituen, alde batetik poza,  oporrak hasi direlako eta beste aldetik pena,  Errontegi eskolan azken urtea delako
Festa goiz osoan zehar ospatu genuen eta egitarau zabala izan genuen : antzerkia, disko-txiki patioan, jolasaldia, bazkaritxoa eta  bukatzeko,  gure agurra .
Nahiz eta oso urduri egon, prestatutako antzerkia, abestiak eta dantza primeran atera ziren eta txaloen artean eskolako beste umeak agurtzeko aukera izan genuen.
Nik, zuen andereño Txarok, zuek  eskola honetako  oroimen polit bat eramatea espero dut eta hemen ikasi duzuena  balioagarria izan dadila zuen bizitzan. Nik , gutxienenez, oso pozik egon naiz zuekin eta arlo guztietan  egin duzuen aurrerapenarekin
Orain, datozen oporretaz  gozatu eta badakizue eskolako ateak beti zabalik izango dituzuela nahi duzuenerako.
                                                          Besarkada   handi  bat        

                                           

ARTZINIEGARAKO IRTEERA

Ekainaren 12an 3., 5. eta 6. mailako ikasleok Artziniegako museo etnografikoa ikustera joan ginen eta oso interesgarria iruditu zitzaigun. Jolasteko ere astia izan genuen eta oso eguraldi ederra egin zuenez, primeran pasatu genuen !!!

EZAGUTU BARAKALDOKO ARGAZKIAK

EZAGUTU BARAKALDO

Ezagutu Barakaldoko arduradunek bideo hau bidali digute, ea gustatzen  zaizuen !!

                    Pleno txikiaren akta ere bidali digute .

EZAGUTU BARAKALDO

Aste honetan zehar "Ezagutu Barakaldo" izeneko  proiektua burutu dugu. Proiektu honek Barakaldoko ingurumena eta historia ezagutzeko aukera ezin hobea eskaintzen digu.
Astelehenean,  Clara Campoamor kultur etxetik Barakaldotik hurbilen dauden mendiak behatu genituen .

Basatxo-Arroletza-Sasiburu katea-Peñas Blancas-Apuko-Argalario

Mapan Barakaldoko auzoak, inguruko herriak , ibaiak ... kokatu genituen.
Tresna desberdinak erabili genituen hainbat datu jasotzeko asmoz: haize-orratza, higrometroa, sonometroa, termometroa...
Ondoren, Barakaldoko historia mendeetan zehar ezagutu genuen .

Larrea jauregia

Gure ibai-adarra ikustera hurbildu ginen eta zein ibai Barakaldotik igarotzen diren jakin genuen (Castaños, Galindo eta  Cadagua ibaia ). Barakaldo itsasadarraren ezkerraldean dago.

Nerbioi- Ibaizabal  itsasadarra

Erandio  Barakaldotik ikusita

Arratsaldez,  Monto baserria ikustera abiatu ginen, hor Julian Larrea bizi da. Julian Larrea haizkolaria da eta berarekin oso arratsalde atsegina pasatu genuen bere bizipenak entzuten..

Julian Larrea

Egur-ikatza egosteko txondorra

Asteartean , Errekatxora joan ginen eta gure herriko historiari buruzko informazio gehiago ezagutu genuen. Irakasle batek Barakaldoko burdin meategirik garrantzitsuena Arnabal izan zela kontatu zigun.
Burdin minerala mota desberdinak ere ikusi genituen( goetita, limonita eta hematite gorria ).

Jarraian, Errekatxoko Castaños ibaiaren inguruko ekosistema aztertu genuen .

Arratsaldez, berriro Errekatxora itzuli ginen Bolos a Katxete izeneko herri kirola  nola jolasten den ikustera eta ez da batere erraza !!

Ostegunean, udalak eskaintzen dituen zerbitzuak ezagutzeko asmoz udaletxera joan ginen.Batzar Aretoan  politikari batek harrera egin gintuen  eta gero, pleno txiki bat ospatu genuen..Guk, zinegotziak izango bagina bezala  Barakaldo hobetzeko proposamak egin genituen eta azkenean, gehien gustatu zitzaiguna aukeratu genuen.

Ostiralean, Avellanedako Juntetxera abiatu ginen eta  Erdi Aroko bizimoduari buruzko informazio gehiago eman ziguten Jarraian, El Pobaleko burdinola ikusteko aukera izan genuen, eta hor burdina lantzeko tailerra egin genuen.

El Pobaleko burdinolean,  egur-ikatzaren biltegia

Aste honetan zehar, Ezagutu Barakaldo izeneko proiektuak  Barakaldoko historiaz , kulturaz  ingurumenaz... ezagutzeko aukera ezin hobea eman digu.